Prezidentimiz Shavkat Mirziyoyevning Ozarbayjonga qilgan davlat tashrifi — O‘zbekiston tashqi siyosatidagi yirik va mas'uliyatli qadamlardan biridir.

Men deputat sifatida bu tashrifni yuksak qadrlayman. U nafaqat ikki xalq o‘rtasidagi do‘stona rishtalarni mustahkamladi, balki strategik sheriklikni yangi bosqichga olib chiqdi.

Strategik sheriklik — bu ikki davlat o‘rtasida chuqur ishonch, o‘zaro hurmat va uzoq muddatli manfaatlar asosida qurilgan hamkorlikdir. Bu darajadagi aloqalar xalqaro siyosatda mustahkam pozitsiyaga ega bo‘lish uchun muhim poydevor hisoblanadi.

Savdo-iqtisodiy aloqalarni kengaytirish — ushbu tashrif davomida eng ustuvor yo‘nalishlardan biri bo‘ldi. Qo‘shma loyihalar, investitsion kelishuvlar, sanoat va infratuzilma sohalarida hamkorlik bo‘yicha muhim qarorlar qabul qilindi.

Bu tashrif o‘zaro savdo hajmini oshirish, logistik imkoniyatlarni kengaytirish, biznes aloqalarni faollashtirish va eng muhimi, joylarda yangi ish o‘rinlarini yaratish uchun mustahkam zamin yaratadi.

Men, xalq vakili sifatida, ushbu yuqori darajadagi siyosiy irodani quvvatlayman va bu yutuqlarning amalda natija berishi uchun joylarda, okrugimda faol harakat qilaman.