Xalq deputatlari Payariq tumani Kengshi deputati Ochilova Nazokat "Mustaqillik" mahallasida istiqomat qiluvchi saylovchilari bilan uchrashuv o‘tkazdi. Uchrashuv ochiq va samimiy ruhda bo‘lib o‘tdi.

Uchrashuv davomida deputat Ochilova Nazokat o‘zining deputatlik faoliyati davomida amalga oshirilgan ishlar, tuman Kengashida ko‘rib chiqilgan muhim masalalar hamda kelgusidagi rejalar haqida batafsil axborot berdi. 

Saylovchilar deputatga o‘zlarini qiziqtirgan savollar bilan murojaat qildilar. Asosan mahalla hududidagi yo‘llarning ta’miri, bolalar maydonchalarining yangilanishi, hamda ijtimoiy xizmatlar sifatini yaxshilash borasidagi masalalar ko‘tarildi. Deputat barcha murojaatlarni diqqat bilan tinglab, ayrim masalalarni joyida hal qildi, qolganlariga esa tegishli tashkilotlar bilan birgalikda yechim topilishini ta’kidladi.

Uchrashuv yakunida saylovchilar deputatning faoliyatiga ijobiy baho berib, bu kabi ochiq muloqotlar muntazam o‘tkazilishini istashlarini bildirdilar.