JAŃA BASQÍSHTA - ASHÍQ, NÁTIYJELI HÁM XALÍQSHÍL JERGILIKLI HÁKIMIYATQA QARAY! 

 Jaqında húrmetli Prezidentimiz tárepinen qabıl etilgen PP-98-sanlı Pármanǵa muwapıq, "Jergilikli mámleketlik
hákimiyat wákillikli uyımlarınıń jumısın 2030-jılǵa shekem rawajlandırıw koncepciyası" tastıyıqlandı. Bul hújjet, álbette, mámleketimizde demokratiyalıq reformalardıń jańa basqıshın baslap beredi.

Pármannıń tiykarǵı maqsetleri: 

 Xalıq wákilleri - jergilikli Keńes deputatlarınıń wákilligi hám tásirin kúsheytiw;  

 Jergilikli mashqalalardı orınlarda sheshiw ushın hákimlikler hám Keńesler arasında nátiyjeli birge islesiw mexanizmlerin engiziw;  

 Tashkent qalasında tájiriybe túrinde "Jergilikli Keńesler arqalı xalıq qadaǵalawı" sistemasın engiziw;  

 Hár bir deputat óz saylawshıları menen tikkeley, turaqlı sóylesiw alıp barıwın támiyinlew;  

 Keńeslerdiń qadaǵalaw funkciyasın ámeliy hám tásirsheń mexanizmler menen bayıtıw názerde tutılǵan. 

 Párman sheńberinde Jergilikli Keńeslerdiń qararları hám shıǵarılıp atırǵan hújjetler ashıq-aydın bolıwı, deputatlardıń baslamaları qollap-quwatlanadı hámde mámleketlik uyımlardıń jumısı ústinen xalıq wákilleri tárepinen tásirsheń
Keńes qadaǵalawı kúsheytiledi.  

Xalıq deputatları Shomanay rayonlıq Keńesi deputatı A.Qutlımuratov