Xalq deputatlari Uzun tumani Kengashiga "3-Yangi ro‘zg‘or" saylov okrugidan saylangan deputat Toxirov Sanjarbek Jaloliddinovich tomonidan okrugida joylashgan Yangi ro‘zg‘or mahallasida sayyor qabul o‘tkazildi.

   Sayyor qabulda mahalla yettiligi xodimlari hamda mahallaning faol fuqarolari ishtirok etishdi. Qabul jarayonida aholini o‘ylantirayotgan bir qator dolzarb muammolar eshitilib, ularni bartaraf etish yuzasidan tegishli chora-tadbirlar belgilandi. Ushbu qabul davomida ko‘tarilgan 2 ta muammo joyida hal etildi va ijobiy yechim topildi. Qolgan masalalar bo‘yicha esa mas’ul tashkilotlarga rasmiy murojaatlar yuborilib, nazoratga olindi.

Bu kabi uchrashuvlar fuqarolarning muammolarini o‘rganish, ularga amaliy yordam berish va ochiq muloqotni ta’minlashda muhim ahamiyat kasb etadi. Qabul yakunida aholi va mahalla faollari tomonidan deputatga minnatdorlik bildirildi.