Joriy yilninng 29-aprel kuni Jondor tuman hokimligida Korrupsiyaga qarshi kurashish va xavfsizlik masalalari bo‘yicha doimiy komissiya raisi O. Sherov rahbarligida “Korrupsiya – taraqqiyot kushandasi” mavzusida yig‘ilish bo‘lib o‘tdi.

Tadbirda davlat organlari, jamoat tashkilotlari vakillari, mahalliy kengash deputatlari hamda OAV vakillari ishtirok etdi. Yig‘ilishda korrupsiyaga qarshi kurashish bo‘yicha mavjud holatlar, mavjud muammolar va ularni bartaraf etish yo‘llari muhokama qilindi.

Yig‘ilish davomida soha vakillari tomonidan korrupsiyani oldini olishda jamoatchilik nazorati, axborot ochiqligi, shaffoflik tamoyillarini kuchaytirish bo‘yicha taklif va tavsiyalar bildirildi hamda keng jamoatchilikni jalb etgan holda tizimli ishlarni davom ettirish bo‘yicha aniq vazifalar belgilab olindi.