#Fargona_tumani #Saхovat_benazir_qadriyat 

❇️O‘zbekiston "Adolat"
sotsial-demokratik partiyasi tomonidan amalga oshirilayotgan "Sahovat
benazir qadriyat" loyihasi doirasida qator xayrli ishlar olib borilmoqda. 

🔶Farg‘ona tumanida ham ana shunday ezgu
tashabbus amalga oshirildi. Tuman Kengashi deputati Ahrorjon Erkaboyevning
tashabbusi va mahalliy homiylar hamda tadbirkorlar hamkorligida “Oqbilol”
qishlog‘idagi ehtiyojmand oilalar holidan xabar olindi. 

Mazkur
tadbir davomida boquvchisini yo‘qotgan, nogironi bor, betob va ijtimoiy himoya
ro‘yxatida turgan 30 dan ortiq oilaga pul mablag‘lari, 50 kilogrammga yaqin
go‘sht hamda oziq-ovqat mahsulotlari yetkazildi. Xayrli tadbir mahalla
oqsoqollari ishtirokida amalga oshirilib, aholi o‘rtasida samimiy muhit
yaratildi. 

Farg‘ona
tumanidagi bunday amaliy ishlar "Adolat" partiyasining xalq bilan
yaqin bo‘lish, ular dardiga hamdard bo‘lish maqsadidan dalolat beradi.