Investitsiya daromad keltirish bilan birga, inson qadrini ulug‘laydigan, uning hayotiy manfaatlarini ta’minlaydigan va jamiyat ravnaqiga xizmat qiladigan mustahkam poydevorga aylanishi kerak. 

O‘zbekistonning yalpi ichki mahsuloti sakkiz yilda 2 barobar ko‘paygan bo‘lsa, 2030 yilga borib, bu ko‘rsatkichni 200 milliard dollarga yetkazish prognoz qilinmoqda. O‘tgan yili investitsiya hajmi 35 milliard dollarga, eksportimiz 27 milliard dollarga yetgani bu ayni haqiqat. 

Yangi O‘zbekistondagi islohotlar samarasi xalqaro reytinglarda ham o‘zining munosib o‘rnini topmoqda. “Iqtisodiy erkinlik indeksi”dagi o‘rnimiz so‘nggi besh yilda 48 pog‘onaga yuqori ko‘tarilgani quvonarli hol.

O‘zbekistonda yer osti boyliklarimiz bor, minerallarning katta zaxirasi aniqlangan. Umuman, yer osti boyliklarimizning salohiyati yuqori baholangani ham bejiz emas.

Toshkent investitsiya forumi — bu faqat sarmoya jalb qilish emas, balki O‘zbekistonning iqtisodiy islohotlarini xalqaro hamkorlar oldida namoyish qilish, davlat va biznes hamkorligini mustahkamlash va mamlakatni yangi investitsiya bosqichiga olib chiqishga xizmat qiladi.

Surayyo Axmedova, 

Xalq deputatlari Chinoz tumani Kengashi deputati