Xalq deputatlari Taxiatosh tumani Kengashi raisi, Oʻzbekiston Liberal-demokratik partiyasidan saylangan deputat Xidirbayev Rashid Xidirbayevich tumanda jinoyatchilikka qarshi kurashish, ayniqsa qizil va sariq toifaga kiritilgan hududlarda huquqbuzarliklarning oldini olish borasida amalga oshirilayotgan ishlarni o‘rganmoqda.

📍 O‘rganish ishlari dastlab sariq hudud sifatida belgilangan “Xalqlar do‘stligi” MFYdan boshlandi.

👮‍♂️ Mahalla profilaktika inspektori tomonidan jinoyatchilikning oldini olish, fuqarolar xavfsizligini ta’minlash hamda huquqbuzarliklar profilaktikasiga qaratilgan chora-tadbirlar yuzasidan ma’lumot berildi.

🎥 Xususan, hududda jamoat xavfsizligini ta’minlash maqsadida o‘rnatilgan kuzatuv kameralari ko‘zdan kechirilib, ularning texnik holati, ishlash samaradorligi va qamrov darajasi o‘rganildi.

🤝 O‘rganish davomida jinoyatchilikka sabab bo‘luvchi omillarni bartaraf etish, profilaktika ishlarini yanada kuchaytirish hamda mahallalarda xavfsiz muhitni ta’minlash bo‘yicha fikr almashildi.

Hududlarda jinoyatchilikning barvaqt oldini olish va fuqarolarning osoyishtaligini ta’minlashga qaratilgan o‘rganish ishlari davom etmoqda.