📌 YANGI MAKTAB QURILISHI JARAYONI O‘RGANILDI

👥 Xalq deputatlari Surxondaryo viloyat Kengashining 4-Sherobod saylov okrugi deputati R. Xolmirzayeva, Xalq deputatlari Sherobod tumani Kengashining 21-G‘urjak saylov okrugi deputati Z. Eshmurodova hamda Xalq deputatlari Sherobod tumani Kengashi Kotibiyati bosh mutaxassisi S. Safarov ishtirokida “G‘urjak 1” mahallasida barpo etilayotgan yangi maktab qurilishi jarayoni bilan tanishildi.

🏫 Mazkur obyekt O‘zbekiston Respublikasi Prezidentining 2024-yil 28-martdagi PQ–141-son qaroriga muvofiq, Islom taraqqiyot banki ishtirokida amalga oshirilayotgan “Qishloq joylarni kompleks rivojlantirish” loyihasining ikkinchi bosqichi doirasida bunyod etilmoqda. Yangi maktab 330 o‘quvchi o‘rniga mo‘ljallangan bo‘lib, zamonaviy ta’lim standartlari asosida qurilmoqda.

🔍 Tanishuv davomida qurilish ishlarining borishi, loyiha doirasida belgilangan vazifalarning ijrosi hamda obyektning sifatli va o‘z muddatida foydalanishga topshirilishi masalalariga alohida e’tibor qaratildi.

✅ Mutasaddilar tomonidan qurilish jarayonini tizimli nazorat qilib borish va belgilangan ishlarni o‘z vaqtida yakunlash yuzasidan tegishli tavsiyalar berildi.