Xalq deputatlari Parkent tuman Kengashiga 20-“Ulug‘bek” saylov okrugidan saylangan deputat Sultonov Azimjon O‘ktam o‘g‘li tomonidan o‘zi saylangan hududda jamoatchilik nazorati doirasida “DILFUZA DIZAYN” ishlab chiqarish korxonasi faoliyati o‘rganildi.O‘rganish davomida korxonada xodimlar uchun yaratilgan mehnat sharoitlari, ish haqlarining o‘z vaqtida to‘lanishi hamda mavjud ish o‘rinlari holati yuzasidan xotin-qizlar bilan muloqotlar o‘tkazildi.Shuningdek, hududdagi korxonalarning investitsion faoliyati tahlil qilinib,sanoatni rivojlantirish, investitsiyalarni jalb etish va yangi ish o‘rinlari yaratish bo‘yicha amalga oshirilayotgan ishlar baholandi.Jarayonda “DILFUZA DIZAYN” korxonasi hududdagi istiqbolli investitsiya loyihalaridan biri sifatida e’tirof etildi. Ayni paytda korxonada 64 nafar xodim doimiy ish bilan ta’minlangan.Mazkur loyiha, ayniqsa, xotin-qizlarni iqtisodiy faoliyatga keng jalb etish, ularning bandligini ta’minlash hamda barqaror daromad manbaiga ega bo‘lishida muhim ahamiyat kasb etmoqda. Korxona faoliyati hududning iqtisodiy salohiyatini oshirish va aholi farovonligini ta’minlashga munosib hissa qo‘shmoqda.