Xalq deputatlari Bekobod tumani Kengashiga O‘zbekiston Liberal-demokratik partiyasidan saylangan deputat B. Yo‘lchiyev, Kengash kotibiyati mudiri Q. Bobojonov, tuman hokimining o‘rinbosari A. Turabov hamda Toshkent viloyati Transport boshqarmasi mas’ul xodimlari “Mustaqillik” mahallasida bo‘lib, aholi bilan uchrashdilar.

Uchrashuv davomida hududda jamoat transportining muntazam harakatlanishini ta’minlash, yo‘nalishsiz taksilar faoliyatini tartibga solish, aholiga qulay va xavfsiz transport xizmatlarini yaratish masalalari muhokama qilindi. Fuqarolar tomonidan bildirilgan taklif va murojaatlar tinglanib, mavjud muammolarni bartaraf etish yuzasidan tegishli vazifalar belgilab olindi.

🚍 Qulay va uzluksiz transport xizmati — aholi farovonligi va hudud rivojining muhim omillaridan biridir. Bu boradagi ishlar fuqarolar manfaatlarini inobatga olgan holda davom ettiriladi.