Deputat tomonidan hududdagi savdo shoxobchalari va ichki yo‘llar holati o‘rganildi

Xalq deputatlari Termiz tuman Kengashining 16-Alangtepa saylov okrugidan saylangan deputati T. Berdiyarova o‘zi saylangan hududda aholi iste’moli uchun zarur bo‘lgan oziq-ovqat mahsulotlari narx-navosi hamda mahsulotlar ta’minoti holatini o‘rgandi.

O‘rganish davomida oziq-ovqat mahsulotlarining mavjudligi, narxlarning barqarorligi va aholining talabini qondirish darajasi ko‘zdan kechirildi. Shuningdek, tadbirkorlar bilan suhbatlashilib, mahsulotlar ta’minoti bilan bog‘liq masalalar muhokama qilindi.

Bundan tashqari, deputat hududdagi ichki yo‘l holatini ham o‘rganib, mavjud muammolar va ularni bartaraf etish yuzasidan tegishli takliflarni shakllantirdi. Aniqlangan kamchiliklar bo‘yicha mas’ul tashkilotlarga tegishli tavsiyalar berilishi hamda masala deputatlik nazoratiga olinishi ta’kidlandi.