Qo‘qon shahar “Ashurali Zoxiriy” mahalla fuqarolar yig‘inida Xalq deputatlari Qo‘qon shahar Kengashi deputati Yu.Tuychiyev tashabbusi bilan, mahalla xotin-qizlar faoli G.Boltaboyeva hamda hududdagi 1-sonli oilaviy poliklinika hamshiralari ishtirokida navbatdagi o‘rganish ishlari olib borildi.

Tadbir davomida migratsiyadan qaytib kelgan xotin-qizlarni tibbiy ko‘rikdan o‘tkazish, farzandlarini belgilangan muddatlarda emlatmagan oilalar bilan manzilli ishlash hamda aholi o‘rtasida profilaktik targ‘ibot ishlarini kuchaytirish masalalari muhokama qilindi.

Xususan, bolalarni o‘z vaqtida emlashning ahamiyati, yuqumli kasalliklarning oldini olish, onalar va bolalar salomatligini mustahkamlash yuzasidan amalga oshiriladigan chora-tadbirlar bo‘yicha kelgusidagi rejalar belgilab olindi.

Shuningdek, “Ayollar daftari”ga kiritilgan hamda tibbiy yordamga muhtoj bo‘lgan xotin-qizlarning sog‘lig‘i bilan bog‘liq masalalar ham ko‘rib chiqildi. Davolanish istagida bo‘lgan fuqarolarga ko‘rsatilayotgan tibbiy va ijtimoiy yordamlar yuzasidan fikr almashilib, mavjud muammolarni hal etish bo‘yicha takliflar bildirildi.

Uchrashuvda xotin-qizlarni har tomonlama qo‘llab-quvvatlash, ularning salomatligini mustahkamlash hamda migratsiyadan qaytgan fuqarolarni ijtimoiy moslashtirish borasidagi ishlarni yanada kuchaytirish zarurligi ta’kidlandi.

Fuqarolar bilan manzilli ishlash, ularning muammolarini o‘rganish va amaliy yordam ko‘rsatish bo‘yicha hamkorlikdagi ishlar izchil davom ettirilmoqda.

Xalq deputatlari Qo‘qon shahar Kengashi