Xalq deputatlari Ulug‘nor tumani Kengashi deputati J.Ismonova o‘z saylov okrugidagi aholi bilan doimiy muloqotni ta’minlash, fuqarolarni qiynayotgan muammolarni o‘rganish hamda ularning taklif va tashabbuslarini eshitish maqsadida Obod mahallasida
aholi vakillari bilan uchrashuv o‘tkazdi. Uchrashuv davomida mamlakatimizda amalga oshirilayotgan keng ko‘lamli islohotlar, mahallalar infratuzilmasini yaxshilash, aholining turmush farovonligini oshirish, bandlikni ta’minlash hamda ijtimoiy himoya sohalarida olib borilayotgan ishlar xususida atroflicha fikr almashildi. Aholi vakillari tomonidan mahallada amalga oshirilayotgan
obodonlashtirish ishlari, ijtimoiy ob’ektlar faoliyati hamda fuqarolar uchun yaratilayotgan sharoitlar xususida fikr-mulohazalar bildirildi. Bu kabi ochiq muloqotlar aholi muammolarini o‘z vaqtida aniqlash va ularni hal etishda muhim ahamiyat kasb etishi ta’kidlandi.