Dolzarb 90 kun” dasturi doirasida deputat va yoshlar uchrashuvi o‘tkazildi
📍 Xalq deputatlari Qo‘shko‘pir tuman Kengashi deputati R. Ismoilova tomonidan Mesit mahallasida joylashgan “Do‘stlik” bolalar oromgohida yoshlarning yozgi ta’til davrida bo‘sh vaqtlarini mazmunli tashkil etish maqsadida amalga oshirilayotgan “Dolzarb 90 kun” tadbirlari o‘rganildi.
👥 O‘rganish davomida oromgohda faoliyat yuritayotgan to‘garaklar, sport va madaniy-ma’rifiy mashg‘ulotlar faoliyati bilan yaqindan tanishildi.
Shuningdek, yoshlar bilan ochiq muloqot tarzida “Deputat va yoshlar uchrashuvi” tashkil etilib, unda yoshlarni qiynayotgan masalalar, ularning taklif va tashabbuslari tinglandi.
🗣 Uchrashuv davomida mamlakatimizda yoshlarga yaratilayotgan imkoniyatlar, amalga oshirilayotgan islohotlar hamda yoshlarning jamiyat hayotidagi faolligini oshirish masalalari yuzasidan fikr almashildi.