Xalq deputatlari Termiz shahar Kengashi kotibiyati mudiri A.Ashurov Kengash deputati A.Mustafakulovning saylov okrugiga qarashli “Ma’rifat” mahallasida bo‘ldi.

💬O‘rganish davomida mahalla faollarining bugungi kundagi faoliyati O‘zbekiston Respublikasining tegishli qonunlari asosida atroflicha tahlil qilindi:

💬Yoshlar yetakchisi faoliyati O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni talablaridan kelib chiqib, yoshlar yetakchisining quyidagi yo‘nalishlardagi ishlari o‘rganildi:
🟢Mahalladagi ishsiz yoshlarning bandligini ta’minlash va ularni tadbirkorlikka jalb etish holati;
🟢Yoshlarning bo‘sh vaqtlarini mazmunli tashkil etish, sport va to‘garaklarga qamrab olish darajasi;
🟢“Yoshlar daftari” orqali ko‘rsatilayotgan tizimli yordamlar samaradorligi.

💬Profilaktika inspektori faoliyati O‘zbekiston Respublikasining 2014-yil 14-maydagi O‘RQ-371-sonli “Huquqbuzarliklar profilaktikasi to‘g‘risida”gi Qonuni doirasida profilaktika inspektorining faoliyati ko‘rib chiqildi:
🟢Mahalla hududida jinoyatchilik va huquqbuzarliklarning barvaqt oldini olish borasida ko‘rilayotgan choralar;
🟢Aholi, ayniqsa, yoshlar va profilaktik hisobda turuvchi shaxslar bilan olib borilayotgan tushuntirish-targ‘ibot ishlari;
🟢Mahalladagi tinchlik va osoyishtalikni ta’minlash, xonadonbay ishlash tizimining yo‘lga qo‘yilganligi.

💬O‘rganishlar yakunida aniqlangan kamchiliklarni bartaraf etish, mahalla hududida jinoyatchilikdan xoli muhitni yaratish hamda yoshlar tashabbuslarini qo‘llab-quvvatlash bo‘yicha mas’ullarga amaliy tavsiyalar va aniq vazifalar belgilab berildi.