Deputatlik so‘roviga javob olindi

Xalq deputatlari Termiz tumani Kengashining VII-17-58-8-117-K/26-son qaroriga asosan, Termiz tumani Qahramon MFY hududida joylashgan 71-sonli oilaviy poliklinikaning moddiy-texnik bazasini rivojlantirish bo‘yicha tadbirlar amalga oshirilmoqda.

Mazkur maqsadlar uchun jami 789,5 mln so‘m mablag‘ ajratilgan bo‘lib, shundan 635,4 mln so‘mlik tibbiy jihozlar xarid qilinib, poliklinikaga yetkazib berilgan. Qolgan 155 mln so‘mlik jihozlar bo‘yicha xarid ishlari davom etmoqda.

Amalga oshirilayotgan ushbu ishlar tibbiy xizmatlar sifati va aholiga ko‘rsatilayotgan tibbiy yordam samaradorligini yanada oshirishga xizmat qiladi.