Xalq deputatlari Chilonzor tumani Kengashining 10-Xalqlar do‘stligi saylov okrugi deputati Doniyor Mahmudovich Isxakov tomonidan saylov okrugida navbatdagi uchrashuv va o‘rganish ishlari o‘tkazildi.

Tashrif davomida mahalla faollari, mahalla yettiligi hamda hudud aholisi bilan muloqot qilinib, saylov okrugidagi mavjud muammolar va dolzarb masalalar muhokama etildi. Xususan, ichki ko‘chalarning holati, obodonlashtirish ishlari, infratuzilmani yaxshilash, hududda yashovchi fuqarolar uchun qulay shart-sharoitlar yaratish masalalariga alohida e’tibor qaratildi.

Shuningdek, aholi tomonidan bildirilgan murojaatlar va takliflar tinglanib, ularning har biri yuzasidan atroflicha fikr almashildi. Ko‘tarilgan masalalarni qisqa muddatlarda hal etish, fuqarolar murojaatlariga tezkor munosabat bildirish hamda amaliy yechimlar ishlab chiqish bo‘yicha tegishli vazifalar belgilandi.

O‘rganishlar yakunida aniqlangan muammolarni bartaraf etish yuzasidan mas’ul tashkilotlar bilan hamkorlikda manzilli chora-tadbirlarni amalga oshirish, murojaatlar ijrosini nazoratga olish va hududdagi mavjud kamchiliklarni bosqichma-bosqich hal etish bo‘yicha kelishib olindi.