Shu maqsadda Shahar Kengashi deputatlari A.Mahkamov va Sh.Madaminova 7-oilaviy poliklinikada bo‘lib, muassasadagi bepul beriladigan dori-darmonlar bilan ta’minlash holatini o‘rgandilar.

O‘rganish jarayonida deputatlar poliklinikada saqlanayotgan dori vositalari zaxirasi, ularning hisob-kitobi va aholiga yetkazib berish tartibi bilan yaqindan tanishdilar. Shuningdek, mas’ul xodimlar bilan suhbat o‘tkazilib, davlat dasturlari asosida bepul ajratilayotgan dori vositalarining mavjudligi hamda ulardan foydalanish samaradorligi muhokama qilindi.

Deputatlar tibbiyot muassasasiga murojaat qilayotgan fuqarolar, ayniqsa surunkali kasalliklarga chalingan bemorlarning dori-darmonlarga bo‘lgan ehtiyojini qondirish masalasiga alohida e’tibor qaratdilar. Poliklinika rahbariyati tomonidan dori vositalarini qabul qilish, saqlash va tarqatish bo‘yicha amalga oshirilayotgan ishlar yuzasidan ma’lumotlar taqdim etildi.

Shahar Kengashi deputatlarining mazkur o‘rganishi ham aholini bepul dori vositalari bilan ta’minlash jarayonining samaradorligini oshirish, mavjud muammolarni aniqlash va ularni hal etish bo‘yicha amaliy choralarni belgilashga qaratilgani bilan ahamiyatlidir.