ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИДА ЙИҒИЛИШ ЎТКАЗИЛДИ

Халқ депутатлари Янгиқўрғон туман Кенгаши раиси томонидан навбатдаги йиғилиш ўтказилди. Йиғилишда Кенгаш фаолияти самарадорлигини ошириш, депутатлик фаолиятида ижро интизоми ва қонунчилик талабларига қатъий риоя этиш масалалари муҳокама қилинди.

Йиғилиш давомида Кенгашнинг Регламент ва одоб-ахлоқ комиссияси раиси сўзга чиқиб, депутатлар томонидан одоб-ахлоқ қоидаларига амал қилиниши, аҳоли билан мулоқот маданияти, депутатлик этикаси ҳамда Кенгаш мажлисларидаги иштирок интизоми юзасидан фикр-мулоҳазалар билдирди.

Шунингдек, депутатлик фаолиятини янада фаоллаштириш, фуқаролар мурожаатларини ўз вақтида кўриб чиқиш, депутат сўровлари билан ишлаш сифати ва жамоатчилик олдидаги масъулиятни ошириш бўйича тегишли тавсиялар берилди.

Йиғилиш якунида белгиланган вазифалар ижросини таъминлаш юзасидан масъулларга тегишли топшириқлар берилди.