2-Qo‘rg‘oncha okrugidan saylangan tuman Kengashi deputati Kasimova Kamola Smatullayevna Muborak mahallasiga tashrif buyurib, saylovchilar bilan uchrashuv o‘tkazdi va amalga oshirilgan ishlar yuzasidan hisobot berdi.

Uchrashuvda 2025-yilda hududda bajarilgan ishlar, erishilgan natijalar hamda mavjud muammolar muhokama qilinib, 2026-yil uchun belgilangan ustuvor vazifalar haqida ma’lumot berildi.

Shuningdek, mahallada to‘y va marosimlarni ixcham o‘tkazish, jinoyatchilik va huquqbuzarliklarning oldini olish masalalariga alohida e’tibor qaratildi. Profilaktika inspektori ishtirokida ajrim yoqasidagi oilalar bilan suhbat o‘tkazilib, oilaviy muhitni mustahkamlash bo‘yicha tavsiyalar berildi.

Ramazon oyi munosabati bilan obodonlashtirish ishlarini kuchaytirish, ariq va zovurlarni tozalash bo‘yicha tashabbuslar ilgari surildi.                                                     

     t.me/Toyloq_tuman_Kengashi