Angor tumanida Maktabgacha va maktab ta’limi bo‘limi tomonidan 2025-yilda amalga oshirilgan ishlar to‘g‘risidagi masala navbatdagi sessiya kun tartibiga kiritilishi belgilangan. Shu munosabat bilan xalq deputatlari Angor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari tomonidan mazkur masala yuzasidan joyiga chiqib o‘rganish ishlari olib borildi. O‘rganish jarayonida tumandagi maktabgacha ta’lim tashkilotlari hamda umumiy o‘rta ta’lim muassasalarida yaratilgan shart-sharoitlar, ta’lim sifati, moddiy-texnik baza holati, mavjud muammolar va ularni bartaraf etish choralari atroflicha tahlil qilindi.