Tashrif davomida “Mahallamdagi muammolarga yechim – mening tashabbusim” va "Deputat mahallada" loyihalari doirasida mahalla fuqarolar yig‘ini tomonidan amalga oshirilayotgan ishlar, aholi murojaatlari bilan ishlash tizimi, ijtimoiy himoyaga muhtoj oilalarni qo‘llab-quvvatlash, hududni obodonlashtirish hamda bandlikni ta’minlash borasidagi chora-tadbirlar yuzasidan atroflicha ma’lumot berildi.

Deputat mahalla yettiligi tomonidan olib borilayotgan ishlar samaradorligini alohida e’tirof etib, joylarda aholining muammolarini tizimli o‘rganish, ularni hal etish yuzasidan aniq taklif va tashabbuslarni ilgari surish muhimligini ta’kidladi. Shuningdek, qonunchilikni takomillashtirish jarayonida hududlardan kelib tushayotgan taklif va mulohazalarning ahamiyati yuqori ekanini qayd etdi.