🏛 Xalq deputatlari Termiz shahar Kengashining 2026-yil uchun tasdiqlangan ish rejasiga muvofiq, navbatdagi sessiya kun tartibiga shahar Tibbiyot birlashmasi rahbarining hisobotini eshitish masalasi kiritilgan.

📈 Mazkur masalani sessiya muhokamasiga sifatli va asoslantirilgan holda tayyorlash maqsadida shahar Kengashning Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari tomonidan tibbiyot muassasalarida nazorat-tahlil tadbirlari o‘tkazildi.

🔍 Deputatlar tomonidan quyidagi yo‘nalishlar alohida o‘rganildi:

🔹 Sog‘liqni saqlashni rivojlantirishga oid davlat dasturlarining ijrosi;

🔹 Kasalliklar profilaktikasi va aholi o‘rtasida sog‘lom turmush tarzini shakllantirish holati;

🔹 Tibbiyot muassasalarida korrupsiyaga qarshi kurashish, ochiqlik va shaffoflikni ta’minlash borasidagi amaliy ishlar;

🔹 Tibbiy xizmat sifati va muassasalarning moddiy-texnik holati.

📸 O‘rganish davomida komissiya a’zolari tibbiyot maskanlaridagi dori-darmon ta’minoti, tashxis qo‘yish jarayonlari va korrupsiyaga qarshi targ‘ibot vositalarining holati bilan yaqindan tanishdilar. Aniqlangan kamchiliklarni bartaraf etish va sohani rivojlantirish bo‘yicha takliflar ishlab chiqildi.

✅ O‘rganish yakunlari va tahliliy ma’lumotlar xalq deputatlari Termiz shahar Kengashining navbatdagi sessiyasida keng muhokama qilinadi.