Hunarmandchilik rivoji — deputat e’tiborida

Tumandagi “Hunarmandlar” uyushmasi faoliyati xalq deputatlari Muborak tumani Kengashi kotibiyati mudiri-8-Ko'hnashahar saylov okrugi deputati Qurbonov Anvar Jumaqulovich tomonidan joyiga chiqib o‘rganildi. Hunarmandchilikni rivojlantirish yo‘nalishida amalga oshirilayotgan ishlar, yaratilgan shart-sharoitlar va istiqbolli rejalar yuzasidan muloqot o‘tkazildi.

⚡️ O‘rganish davomida hunarmandlar faoliyati, ular uchun yaratilgan imkoniyatlar hamda qo‘llab-quvvatlash mexanizmlari atroflicha tahlil qilindi.

Ma’lum qilinishicha, uyushma tarkibida 150 ga yaqin hunarmand a’zo bo‘lib, ustoz hunarmandlar tomonidan 500 nafarga yaqin shogird kasb-hunarga o‘rgatilgan.

🕯 Shuningdek, “Ustoz–shogird” an’anasi asosida tumandagi yoshlarga milliy hunar sirlari o‘rgatilib, ularning bandligini ta’minlash va kelajakda mustaqil faoliyat yuritishiga zamin yaratilmoqda.

Uchrashuvda milliy qadriyatlarimizni asrash, hunarmandchilikni yanada rivojlantirish, yangi ish o‘rinlari yaratish hamda yoshlarni kasbga yo‘naltirish masalalari muhokama qilindi.