Shavkat Mirziyoyevning yoshlar bilan uchrashuvida ilgari surilgan keng imkoniyatlar va yangi tashabbuslar mazmun-mohiyatini yetkazish maqsadida joriy yilning 26-fevral kuni xalq deputatlari Konimex tumani Kengashi deputati T. Djurayev o‘z okrugidagi 36-son umumiy o‘rta ta’lim maktabida uchrashuv o‘tkazdi.

Uchrashuvda davlatimiz rahbari tomonidan yoshlar ta’limi, bandligi, tadbirkorligini qo‘llab-quvvatlash, zamonaviy kasb-hunar va IT yo‘nalishlarini rivojlantirish borasida belgilab berilgan ustuvor vazifalar haqida batafsil ma’lumot berildi.

Shuningdek, yoshlarga yaratilayotgan yangi imkoniyatlar, imtiyozli kreditlar, grantlar, innovatsion loyihalarni qo‘llab-quvvatlash xususida tushuntirishlar olib borildi. 

Bunday uchrashuvlar yoshlarning huquqiy ongi va faolligini oshirish, ularni Vatan taraqqiyotiga daxldorlik ruhida tarbiyalashda muhim ahamiyat kasb etadi.