Uchrashuv davomida biriktirilgan xonadonlardagi xotin-qizlar, keksalar, yosh bolalar salomatligi, ayniqsa nogironligi bo‘lgan katta yoshdagilar va bolalar holati yuzasidan olib borilayotgan ishlar o‘rganildi. 

Ma’lumotlarga ko‘ra, G‘alaba mahallasida jami 198 nafar nogironligi bo‘lgan fuqaro mavjud. Nogiron bolalar va ayollar salomatligini alohida nazoratga olish bo‘yicha takliflar bildirildi. Shuningdek, nogironligi bo‘lgan shaxs parvarishida muammolar yuzaga kelgan taqdirda patronaj hamshiralar tomonidan tezkor xabar berish bo‘yicha kelishib olindi.

Patronaj hamshira Baratova Munira tomonidan O‘zbekiston shoh ko‘chasi 3/2-xonadonda yashovchi fuqaro Fayziyeva S.ning yolg‘iz yashashi, og‘ir darajadagi qandli diabet kasalligi mavjudligi hamda nogironlik nafaqasiga chiqishda ayrim to‘siqlar borligi ma’lum qilindi.

Mazkur va shunga o‘xshash holatlar yuzasidan mahalladagi 7 nafar patronaj hamshira bilan hamkorlikda tizimli ish olib borishga kelishib olindi.