Gʻallaorol tumanida deputatlar ishtirokida “Yashil makon” loyihasi doirasida koʻchat ekish aksiyasi oʻtkazildi

Gʻallaorol tuman Kengashi deputatlari tashabbusi bilan tumanda “Yashil makon” umummilliy loyihasi doirasida keng koʻlamli koʻchat ekish aksiyasi tashkil etildi. 

Mazkur tadbir atrof-muhitni muhofaza qilish, hududni obodonlashtirish hamda kelajak avlod uchun yanada sogʻlom ekologik muhit yaratishga qaratilgani bilan ahamiyatlidir. 

“Yashil makon” loyihasi mamlakatimizda ekologik barqarorlikni taʼminlash, iqlim oʻzgarishining salbiy oqibatlarini kamaytirish va yashil hududlar ulushini oshirishga xizmat qilmoqda. 

Tadbir davomida mutaxassislar tomonidan koʻchatlarni toʻgʻri ekish va parvarishlash boʻyicha tavsiyalar berildi. Ekilgan har bir niholning kelgusida sogʻlom va baquvvat daraxt boʻlib voyaga yetishi uchun muntazam parvarish ishlari olib borilishi taʼkidlandi.