Xalq deputatlari Chilonzor tumani Kengashi deputatlarining tuman hokimligi mas’ul rahbarlari bilan birgalikda saylangan okrugida o‘tkaziladigan uchrashuvlari davom etmoqda

Chilonzor tumani hokimi hamda hokim o‘rinbosarlari tomonidan mahallalarda muntazam ravishda sayyor qabullar tashkil etilmoqda. Ana shunday navbatdagi sayyor qabul “Yakkabog‘” mahallasida o‘tkazildi.

Sayyor qabulda tuman hokimining birinchi o‘rinbosari Mirzohid Abduqadirov fuqarolar bilan uchrashib, ularning murojaatlarini tingladi. Jarayonda xalq deputatlari Chilonzor tuman Kengashi deputati Mirzaulukov Zafar Zohid o'g'li ham ishtirok etdi.

Qabul davomida mahalla fuqarolari tomonidan turli masalalar yuzasidan bildirilgan murojaatlar sinchiklab o‘rganildi. Har bir murojaat yuzasidan tegishli mas’ullarga aniq topshiriqlar berilib, muammolarni bartaraf etish choralarini ko‘rish belgilab olindi. Shuningdek, ayrim murojaatchilarga huquqiy tushuntirish va tavsiyalar berildi.

️Bunday sayyor qabullar aholining muammolarini joyida hal etish, ularning taklif va tashabbuslarini qo‘llab-quvvatlashga xizmat qilmoqda.