📌 Deputat so‘rovi ijrosi ta’minlandi

Tuman hududida joylashgan 31-sonli umumiy o‘rta ta’lim maktabi oldida transport vositalarining tez harakatlanishi kuzatilayotgani yuzasidan yo‘l harakati xavfsizligini ta’minlash maqsadida deputatlik so‘rovi kiritilgan edi.

Mazkur deputat so‘rovi ijrosi yuzasidan mas’ul tashkilotlar tomonidan tegishli chora-tadbirlar amalga oshirilib, maktab oldiga sun’iy notekslik (tezlikni pasaytiruvchi moslama) o‘rnatildi.

Natijada hududda transport vositalari harakati tartibga solinib, o‘quvchilar va piyodalar xavfsizligini ta’minlashga qaratilgan amaliy ishlar bajarildi.

Deputatlik so‘rovlari ijrosi doimiy nazoratda bo‘lib, aholi murojaatlari asosida tizimli ishlar davom ettiriladi.