Tuman Kengashi deputati saylovchilari bilan uchrashdi.

 Xalq deputatlari tuman Kengashi deputati M. Karimova Gʻoyibon mahallasi fuqarolari bilan ochiq muloqot o‘tkazdi. 

Uchrashuvda mahalla faollari, tegishli korxona va tashkilotlar vakillari ham ishtirok etdi.

Muloqot davomida aholini qiynayotgan muammolar, jumladan, kommunal xizmatlar, yo‘l ta’miri, ijtimoiy soha va bandlik masalalari muhokama qilindi. 

Fuqarolar tomonidan bildirilgan taklif va murojaatlar atroflicha tinglanib, ayrim masalalar joyida hal etildi, qolganlari bo‘yicha tegishli tashkilotlarga deputat so'rovlari yuborilishi belgilab olindi.

 Deputat tomonidan har bir murojaat nazoratga olinishi va ijrosi yuzasidan amaliy choralar ko‘rilishi ta’kidlandi.

Uchrashuv ochiq va samimiy ruhda o‘tib, aholi bilan bevosita muloqot qilish muhim ahamiyat kasb etishi qayd etildi.

Xalq deputatlari Qiziltepa tumani Kengashi kotibiyati