📌 Deputatlar tomonidan a nazorat tadbiri o‘tkazildi

Xalq deputatlari Surxondaryo viloyati Kengashi 5-Seplon saylov okrugidan saylangan deputat M. Narbasheva hamda Sherobod tumani Kengashi 8-Mehnatobod saylov okrugidan saylangan deputat S. Irisovlar tomonidan "Mehnatobod" mahallasidagi 19-sonli umumta’lim maktabida deputatlik nazorati tadbiri tashkil etildi.

Mazkur nazorat tadbiri davomida maktabning sport zali, undagi sport anjomlari, ularning texnik holati, shuningdek, mahalla hududidagi bolalar uchun mo‘ljallangan sport inshootlari atroflicha o‘rganildi. Sport zalining mavjud sharoitlari, inventarlarning foydalanishga yaroqliligi hamda xavfsizlik talablariga muvofiqligi ko‘zdan kechirildi.

O‘rganish jarayonida aniqlangan kamchiliklar yuzasidan mas’ullarga tegishli tavsiya va ko‘rsatmalar berildi. Ta’lim muassasasida o‘quvchilarning jismoniy tarbiyasi va sport bilan muntazam shug‘ullanishi uchun zarur shart-sharoitlarni yanada yaxshilash bo‘yicha takliflar bildirildi.

Deputatlar tomonidan ta’lim muassasalarida sog‘lom turmush tarzini targ‘ib qilish, yoshlarning sportga bo‘lgan qiziqishini oshirish hamda mavjud infratuzilmani mustahkamlash masalalari doimiy e’tiborda ekani ta’kidlandi.