Xalq deputatlari Marg‘ilon shahar Kengashi deputatlari A.Ermatov va N.Akbarova “Zuhro” MFY xotin-qizlar faoli X.Oripova hamrohligida “Zuhro” mahalla fuqarolar yig‘inida o‘rganish ishlarini olib bordi. Oʻrganish davomida “Ayollar daftari”ning 3-toifasi — uy-joyi ta’mirlanishi lozim bo‘lgan xotin-qizlar holati ko‘zdan kechirildi.

O‘rganish jarayonida tavsiya etilgan fuqarolarning yashash sharoiti, uy-joyining texnik holati, oila a’zolarining ijtimoiy ahvoli, daromad manbalari hamda mavjud muammolar tahlil qilindi. Har bir xonadonda individual yondashuv asosida suhbatlar o‘tkazilib, ehtiyoj va ustuvor masalalar aniq belgilab olindi.

Shuningdek, aniqlangan muammolarni bartaraf etish, uy-joylarni ta’mirlash ishlarini tizimli tashkil etish hamda xotin-qizlarni har tomonlama qo‘llab-quvvatlash yuzasidan tegishli taklif va tavsiyalar berildi.
Hududdagi ijtimoiy himoyaga muhtoj oilalarni qo‘llab-quvvatlash masalasi deputatlar nazoratiga olindi.