Turkman mahallasida suv resurslaridan oqilona foydalanish masalalariga bag‘ishlangan targ‘ibot tadbiri o‘tkazildi.

Unda xalq deputatlari Pastdarg‘om tuman Kengashi deputati Sadikova Barchinoy tomonidan "Suv va suvdan foydalanish to‘g‘risida"gi Qonun mazmun-mohiyati, asosiy normalari hamda amaliy ahamiyati haqida tushuntirish berildi.

Uchrashuvda suvdan samarali va tejamkor foydalanish, ichimlik suvini muhofaza qilish, suv obyektlarini ifloslanishdan asrash hamda fuqarolar bu boradagi huquq va majburiyatlari haqida ma’lumotlar taqdim etildi. Qonun talablariga rioya etish orqali ekologik barqarorlikni ta’minlash va kelajak avlod uchun tabiiy resurslarni asrab-avaylash muhimligi ta’kidlandi. Mahalla fuqarolari qiziqtirgan savolga javob oldilar, suv ta’minoti va undan foydalanish bilan bog‘liq mavjud muammolar yuzasidan takliflar bildirildi.

Mazkur targ‘ibot uchrashuvi aholi huquqiy ongi va ekologik madaniyatini yuksaltirishga xizmat qiladi.