"Madad" NNT hamda Xalq deputatlari Pastdarg‘om tumani Kengashi Kotibiyati o‘rtasida o‘zaro hamkorlik to‘g‘risida memorandum imzolandi.

Mazkur memorandum aholiga yuridik yordam ko‘rsatish tizimini takomillashtirish, mahalliy Kengash qarorlari va hududiy dasturlar loyihalarini birgalikda ishlab chiqish, Kengash kotibiyati xodimlarining kasbiy malakasini oshirish, shuningdek fuqarolarning huquqiy ongi va huquqiy madaniyatini yuksaltirish maqsadida tuzildi.

Hamkorlik doirasida:

• aholi uchun sayyor qabullar tashkil etish va deputatlarning saylovchilar bilan uchrashuvlarida birgalikda ishtirok etish;

• Kengash deputatlari hamda kotibiyat xodimlari uchun seminar va o‘quv mashg‘ulotlari o‘tkazish;

• mahalliy Kengash va uning doimiy komissiyalarining nazorat vakolatlarini samarali amalga oshirishga amaliy ko‘maklashish;

• aholi o‘rtasida huquqiy ma’rifat va targ‘ibot tadbirlarini tizimli ravishda tashkil etish masalalari bo‘yicha o‘zaro kelishuvga erishildi.