O‘rganish ishlari amalga oshirildi 

O‘zbekiston Respublikasi Oliy Majlisi Qonunchilik palatasi deputati
M.Salimova hamda xalq deputatlari Quva tuman Kengashi deputatlari tumandagi Guliston
mahalla fuqarolar yig‘inidagi “Tomorqa yer uchastkalarini rivojlantirish ilmiy-amaliy
markazi” faoliyati bilan tanishdilar. 

Markaz mas’ullari deputatlarga aholi tomorqalaridan unumli foydalanish,
intensiv usullarda ekin yetishtirish, agrotexnik maslahatlar berish borasida amalga
oshirilayotgan ishlar va olib borilayotgan izlanishlar haqida batafsil ma’lumot
berdilar. 

Deputatlar shuningdek, Guliston, Namuna, Yangichek, Qoraqum,
Baynalminal mahalla fuqarolar yig‘inlarida aholi tomonidan ko‘chatchilikni rivojlantirish,
tomorqa yerlaridan samarali foydalanish, qo‘shimcha daromad manbalarini yaratish,
yetishtirilgan ko‘chatlarni bozorga chiqarish bo‘yicha amalga oshirilayotgan ishlar
bilan ham tanishdilar. 

Deputatlar tomonidan ushbu yo‘nalishdagi tashabbuslarni qo‘llab-quvvatlash,
shu kabi ishlarni joriy etilishini tumanning boshqa hududlarida ham targ‘ib qilish,
tomorqadan unumli foydalanish zarurligi ta’kidlandi.