Mahalla va deputatlar hamkorligi – hudud taraqqiyotining muhim omilidir! 

Xalq deputatlari Oltiariq tuman Kengashi deputati U.Azimova Mustaqillik mahalla fuqarolar yig‘inida mahalla yettiligi bilan uchrashuv o‘tkazdi. Uchrashuv davomida mahalladagi dolzarb masalalar, aholini qiynayotgan muammolar hamda ularning yechimlari muhokama qilindi. Shuningdek, hududni yanada obodonlashtirish, ijtimoiy himoya va yoshlar bilan ishlash yo‘nalishlarida taklif va tashabbuslar ko‘rib chiqildi. Shu bilan birga, mahalla xotin-qizlar faoli tomonidan amalga oshirilayotgan ishlar samaradorligi yuzasidan fikr almashildi. Xotin-qizlarning bandligini ta’minlash, ularni kasb-hunarga yo‘naltirish, ijtimoiy himoyaga muhtoj oilalar bilan manzilli ishlash masalalari muhokama etildi. Yakunda belgilangan vazifalar ijrosini ta’minlash bo‘yicha tegishli chora-tadbirlar belgilab olindi.