Navbahor mahallasida tadbirkorlik faoliyati o‘rganildi 

Xalq deputatlari Oltiariq tumani Kengashi deputati A.Ibragimov tomonidan Navbahor mahalla fuqarolar yig‘ini hududida faoliyat yuritayotgan tadbirkorlik subyektlari joyiga chiqib o‘rganildi. O‘rganish jarayonida kichik biznes va oilaviy tadbirkorlik faoliyati, yaratilgan ish o‘rinlari, ishlab chiqarish hajmi hamda mavjud muammolar tahlil qilindi. Tadbirkorlar bilan bevosita muloqot qilinib, ularni qiynayotgan masalalar,
xususan kredit olish, xomashyo ta’minoti va bozor topish borasidagi muammolar muhokama etildi. Shuningdek, faoliyatni kengaytirish, qo‘shimcha ish o‘rinlari yaratish va davlat tomonidan berilayotgan imtiyoz hamda imkoniyatlardan samarali foydalanish yuzasidan tavsiyalar berildi.