Paxtakor tumani hokimligida Xalq deputatlari Paxtakor tumani Kengashining yettinchi chaqiriq 22-sessiyasi bo‘lib o‘tdi.

Sessiyada 4-Chamanzor saylov okrugidagi deputatlik saylovi yakunlari ko‘rib chiqilib, mazkur okrugdan tuman hokimi Xusan Abduvoxidov deputat etib saylangani ma’lum qilindi. Unda tumandan saylangan deputatlar, davlat va jamoat tashkilotlari rahbarlari hamda OAV vakillari ishtirok etdi.

Shuningdek, deputatlikka saylangan tuman hokimi Xusan Abduvoxidov O‘zbekiston Respublikasi Prezidentining 2024-yil 31-dekabrdagi PQ-468-sonli qarori ijrosini ta’minlash hamda tumanni ijtimoiy-iqtisodiy rivojlantirishning eng muhim va dolzarb masalalari bo‘yicha 2025-yilda amalga oshirilgan ishlar yuzasidan hisobot berdi. O‘z nutqida u barchani muborak Ramazon oyi bilan samimiy tabrikladi.

2026-yilda Paxtakor tumani bo‘yicha “Alkagol mahsulotlari”ni realizatsiya qilish huquqi hamda umumiy ovqatlanish korxonalari tomonidan “Alkagol mahsulotlari”ni realizatsiya qilish uchun yig‘imlarning cheklangan stavkalarini oshirish to‘g‘risida.

O‘zbekiston Respublikasi Prezidentining 2021-yil 13-apreldagi PQ-5072-sonli qarori hamda O‘zbekiston Respublikasi Budjet kodeksining 126-moddasiga asosan 2026-yil boshiga shakllangan erkin qoldiq mablag‘lari xisobidan 30 foizini 632 000 000 (olti yuz o‘ttiz ikki million) so‘m mablag‘ni tuman hokimligi qoshidagi “Fuqarolar tashabbusi jamg‘armasi”ga o‘tkazib berish to‘g‘risida.

Sessiya yakunida kun tartibidagi barcha masalalar yuzasidan tegishli qarorlar qabul qilindi.