Qaraqalpaqstan Respublikası Joqarǵı Keńesiniń Jergilikli hákimiyattıń wákillikli hám puqaralardıń ózin-ózi basqarıw uyımları jáne mámleketlik uyımlardıń ashıq-aydınlıǵın támiyinlew máseleleri komitetiniń baslıǵı Sh.Ótemisov Xalıq deputatları Qaraózek rayonlıq Keńesi deputatları hám Keńes janında shólkemlestirilgen jaslar másláhát toparı aǵzaları menen ushırastı. 

Ushırasıwda Sh.Ótemisov tárepinen jergilikli Keńeslerge jańadan berilip atırǵan wákillikler hám usı tiykarda jańadan qabıl etilip atırǵan nızam hám qararlardıń mazmun-mánisi haqqında keń túrde maǵlıwmat berip, deputatlar tárepinen ámelge asırılıwı tiyis wazıypalar belgilep alındı. Sonday-aq, Keńes iskerligi, sekretariat jumısı sın kóz-qarasta bahalanıp, jaslar másláhát toparınıń jumısların elede jetilistiriw boyınsha usınıs bildirdi.

Deputatlardıń aymaqtı social-ekonomikalıq rawajlandırıwda ornı hám roli, "máhálle jetiligi" menen ámelge asırılatuǵın áhmiyetli iskerlik baǵdarları keń talıqlandı.