Dehqonobod tuman “Madad” nodavlat-notijorat tashkiloti huquqiy maslahat byurosi bosh mutaxassisi Tog‘ayev Islom, Xalq deputatlari tuman Kengashi kotibiyati mudiri G‘ulom Xo‘jamqulov bilan birgalikda Davlat xizmatlari binosida Do‘stlik va Istiqlol mahalla fuqarolari bilan uchrashuv o‘tkazdilar. Uchrashuv davomida “Madad” guruhi mutaxassisi I.Tog‘ayev tomonidan fuqarolarga huquqiy maslahatlar berildi, amaldagi qonunchilik normalari va huquqiy tushunchalar yuzasidan atroflicha ma’lumotlar taqdim etildi. Shuningdek, ishtirokchilarni qiziqtirgan masalalar bo‘yicha savol-javob tarzida muloqot tashkil etildi. 

Xalq deputatlari Dehqonobod tumani Kengashi faoliyati doirasida “Madad”nodavlat notijorat tashkiloti bilan samarali hamkorlik yo‘lga qo‘yilgan. Ushbu hamkorlik fuqarolarning huquqiy savodxonligini oshirish, murojaatlar bilan ishlash sifatini yaxshilash hamda aholining huquq va manfaatlarini himoya qilishga qaratilgan. 

Hamkorlik doirasida sayyor qabullar, huquqiy targ‘ibot tadbirlari va amaliy uchrashuvlar tashkil etilmoqda. Aholining muammolari o‘rganilib, ularga qonunchilik asosida huquqiy maslahat va amaliy yordam ko‘rsatilmoqda. 

Bu kabi hamkorlik ishlari tuman Kengashi faoliyatining ochiqligi va samaradorligini ta’minlashga xizmat qilmoqda. Kelgusida ham fuqarolar manfaatini ustuvor yo‘nalish sifatida belgilagan holda o‘zaro hamkorlik yanada kengaytiriladi. 

Uchrashuv yakunida fuqarolar o‘zlarini qiziqtirgan savollarga huquqiy asoslangan va batafsil javob olganlaridan mamnun
ekanliklarini bildirdilar.