Shaharda kuz-qish mavsumiga puxta tayyorgarlik ko‘rish ishlari izchil davom etmoqda. Shu munosabat bilan “8-Tumar” saylov okrugidan saylangan xalq deputatlari G`ozg`on
shahar Kengashi deputati Jo‘rayeva Ruxsora Sobirovna tashabbusi bilan shahar hududidagi 2-sonli umumta’lim maktabida o‘rganish ishlari olib borildi. 

Mazkur o‘rganish jarayonining asosiy maqsadi — ta’lim muassasalarining sovuq mavsumga tayyorlik darajasini baholash, mavjud muammolarni aniqlab, ularni qisqa
muddatlarda bartaraf etish choralarini ko‘rishdan iborat. 

Deputat ishtirokida o‘tkazilgan monitoring davomida quyidagi jihatlar chuqur o‘rganildi: 

- maktab binolaridagi isitish tizimlarining holati va ularning to‘liq ishga tayyorligi; 

- ko‘mir zaxiralarining mavjudligi hamda sifat darajasi; 

- eshik va oynalarning mahkamligi, issiqlik yo‘qotilishini kamaytirish bo‘yicha ko‘rilgan
chora-tadbirlar; 

- ichimlik suvi, elektr energiyasi va issiqlik ta’minotining uzluksizligi.  

O‘rganish yakunlariga ko‘ra, ta'lim muassasasiga isitish mavsumida jami 110 tonna ko'mir maxsuloti kerakligi va hozirda 30 tonnadan ziyod ko`mir zaxirasi mavjudligi aniqlandi,
shu bilan birga deputat tomonidan ayrim ta’mirlash va texnik xizmat ko‘rsatish ishlarini jadallashtirilishi lozimligi qayd etildi, hamda mas’ullarga aniqlangan kamchiliklarni
qisqa muddatlarda bartaraf etish, kuz-qish mavsumida o‘quvchilar uchun qulay va xavfsiz sharoit yaratishni ta’minlash bo‘yicha tegishli topshiriqlar berdi.