Xalq deputatlari Surxondaryo viloyati Kengashi deputati, Oliy Majlis Senati a’zosi Suvonova Dilbar Nabiyevna o‘zi saylangan Darband okrugidagi Xo‘jabulg‘on mahallasida saylovchilar bilan uchrashuv o‘tkazdi.

Uchrashuv davomida senator mahalla aholisi tomonidan bildirilgan muammolarni tinglab, ularni ijobiy hal etish bo‘yicha tegishli tashkilotlar bilan hamkorlikda choralar ko‘rish zarurligini ta’kidladi.

Shuningdek, Dilbar Suvonova O‘zbekiston Respublikasi Prezidentining 2025-yil 8-oktabrdagi PQ–298-sonli qarori — “Alohida tuman (shahar) va mahallalarni aholining yashashi hamda tadbirkorlik faoliyati uchun namunali hududga aylantirish chora-tadbirlari to‘g‘risida”gi hujjat mazmun-mohiyati yuzasidan fuqarolarga tushunchalar berdi.

U mazkur qarorga asosan Xo‘jabulg‘on mahallasi “Yangi O‘zbekiston” qiyofasidagi namunali mahalla sifatida yangicha infratuzilma va imkoniyatlar bilan rivojlantirilishi rejalashtirilganini qayd etdi.