Tadbir davomida Andijon shahar Kengashi deputati Dildora Rahmatullayeva muzey faoliyatini yanada jonlantirish maqsadida bir qator takliflarni ilgari surdi. Jumladan, muzey kirish qismida zamonaviy ko‘rinishdagi LED ekranlarni o‘rnatish, tashrif buyuruvchilar e’tiborini tortuvchi qadimiy buyumlardan iborat doimiy ko‘rgazmalar tashkil etish, shuningdek, yoshlar uchun interaktiv ta’limiy burchaklarni yo‘lga qo‘yish zarurligini ta’kidladi. O‘rganish yakunida mavjud kamchilik va muammolarni bartaraf etish bo‘yicha tegishli tavsiyalar ishlab chiqildi hamda ularni hal etish yuzasidan yuqori turuvchi tashkilotlarga deputatlik so‘rovlari yuborilishi belgilandi.