“Biz chetdan kelgan har bir hamyurtimizni yurtimizda munosib hayot bilan ta’minlashga mas’ulmiz”!

Uchquduq tumani hokimi, xalq deputatlari tuman Kengashi raisi Uchqun Yelmuratov Yo‘lchilar ovul fuqarolar yig‘inida bo‘lib, mahalla yettiligi hamrohligida, mahalliy aholi va tadbirkorlar bilan ochiq muloqot o‘tkazdi. Uchrashuvda fuqarolar tomonidan turli yo‘nalishlardagi muammo va takliflar bildirildi. Ularni bosqichma-bosqich bartaraf etish bo‘yicha tegishli mutasaddilarga topshiriqlar berdi. 

Shuningdek, mehnat migratsiyasidan qaytgan fuqarolar bilan ham yuzma-yuz uchrashuv o‘tkazildi. Mazkur muloqot davomida ularning hayotga qayta moslashuvi, mahalliy ish o‘rinlari, tadbirkorlikka oid tashabbuslari va kundalik turmushdagi
muammolari muhokama qilindi. 

Mehnat migratsiyadan qaytgan fuqaroning tashabbusi bilan Yo‘lchilar qo‘rg‘onida aholi uchun yozgi mavsumda muzqaymoq sotish shaxobchasi, non va non mahsulotlarini pishirish sexi va bolalar uchun o‘yingohlar tashkil etilgan. Tashabbuskorning loyihalarini tinglagan tuman rahbari qonunchilikda mavjud ko‘maklar ko‘rsatilishini aytib o‘tdi.  

“Biz chetdan kelgan har bir hamyurtimizni yurtimizda munosib hayot bilan ta’minlashga mas’ulmiz”, — dedi tuman Kengashi raisi.