Akademik Ch.Abdirov atındaǵı Qaraózek rayonı medicina birlespesinde Xalıq deputatları Qaraózek rayonlıq Keńesi deputatları hám ǴXQ wákilleri ushın press-tur shólkemlestirildi.

Press-tur dawamında Qaraózek rayonı medicina birlespesiniń baslıǵı Amir Aljanov rayonlıq medicina tarawında ámelge asırılǵan jumıslar, erisilgen nátiyjeler, medicinalıq xızmet sapasın arttırıw, zamanagóy medicinalıq texnologiyalardı engiziw hám tarawdı sanlastırıw baǵdarında alıp barılıp atırǵan jumıslar haqqında maǵlıwmat berdi.

Atap ótilgenindey, 2026-jıldıń usı kúnine shekem 4 693 nawqasqa medicinalıq járdem kórsetildi. Usı dáwirde 172 xirurgiyalıq ámeliyat orınlanıp, sonnan 18 joqarı texnologiyalıq laparoskoplıq operaciyalar bolıp esaplanadı.