#nazorat_tahlil #kotibiyat_mudiri_faoliyati
#deputat_okrugida #162_ta_Qonun #doimiy_komissiya_faoliyati

“Kunchiqish” mahallasidagi 6-maktabning yangi o‘quv yiliga tayyorgarligi o‘rganildi

Xalq deputatlari tuman Kengashiga 15-Zarkamar saylov okrugidan deputat A.Xolmo‘minov o‘z saylov okrugidagi “Kunchiqish” mahallasida bo‘lib, tuman Kengashi kotibiyati mudiri K.Muhammadiyev hamda tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi o‘rinbosari N.Alimov bilan birgalikda 6-sonli umumta’lim maktabining yangi o‘quv yiliga tayyorgarlik holatini o‘rgandi.

O‘rganish davomida maktabdagi o‘quv xonalari, mavjud sharoitlar, o‘quvchilar uchun yaratilgan imkoniyatlar, moddiy-texnik baza hamda ta’lim jarayonini yangi o‘quv yilida samarali tashkil etishga tayyorgarlik holatiga e’tibor qaratildi.

Shuningdek, O‘zbekiston Respublikasining “Ta’lim to‘g‘risida”gi O‘RQ-637-son Qonuni ijrosi yuzasidan ishlab chiqilgan savolnoma asosida ham o‘rganish olib borildi. Unda ta’lim jarayonining qonunchilik talablariga muvofiq tashkil etilishi, o‘quvchilarning ta’lim olishlari uchun zarur sharoitlarning yaratilgani, pedagoglar faoliyati hamda ta’lim sifati bilan bog‘liq masalalar ko‘rib chiqildi.

O‘rganish yakunida maktabning yangi o‘quv yiliga tayyorgarligi yuzasidan mas’ullar bilan fikr almashilib, aniqlangan masalalarni bartaraf etish hamda ta’lim sifatini yanada oshirish bo‘yicha tegishli tavsiyalar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram