Xalıq deputatları Bozataw rayonlıq Keńesiniń 10-sanlı "Kókshiel" saylaw okruginen saylanǵan deputat K.Tleumuratova Bozataw rayonı Kóp tarmaqlı Oraylıq poliklinikasında bolıp, DMED elektron poliklinika baǵdarlaması tiykarında alıp barılıp atırǵan jumıslar menen tanıstı.
Úyreniw dawamında deputat tárepinen elektron poliklinika sisteması arqalı nawqaslardı dizimge alıw, elektron ambulatoriya kartaların júrgiziw, shıpaker qabıllawına jazılıw, elektron receptlerdi rásmiylestiriw hám medicinalıq xızmetlerdiń sapasın arttırıwǵa qaratılǵan sanlı imkaniyatlar úyrenildi. DMED platforması poliklinikalardıń jumıs processlerin avtomatlastırıp, medicinalıq xızmetti anıq, tez hám ashıq túrde shólkemlestiriwge xızmet etedi.
Sonday-aq, poliklinika basshıları hám medicina xızmetkerleri menen bolǵan sáwbette sistemanıń ámeliy qollanılıwı, puqaralar ushın qolaylıqları hám onı jáne de jetilistiriw boyınsha pikir alısıldı.
Deputat bunday sanlastırıw reformaları xalıqqa kórsetiletuǵın medicinalıq xızmettiń nátiyjeliligin arttırıwǵa, qaǵaz aylanısın qısqartıwǵa hám puqaralarǵa qolaylı sharayat jaratıwǵa úlken úles qosatuǵının atap ótti.