Saylov okrugidagi dolzarb ijtimoiy-iqtisodiy muammolar o‘rganildi

Xalq deputatlari Pastdarg‘om tumani Kengashi deputati Nurmamatova Sadoqat Tag‘ayevna tomonidan 23-Nayman saylov okrugida joylardagi ijtimoiy-iqtisodiy masalalar yuzasidan o‘rganish olib borildi.

O‘rganish natijasida quyidagi masalalar nazoratga olindi:

🔹 Qozoq Nayman mahallasidagi 22-son maktabgacha ta'lim tashkiloti o‘rnida 300 o‘rinli yangi bog‘cha qurish masalasi bo‘yicha vazirlikka kiritiladigan dasturga taklif berildi.

Masala deputatlik nazoratida.

🔹 Fuqarolar tashabbusi bilan olingan transformatorni elektr tarmog‘iga ulash yuzasidan elektr ta'minoti korxonasiga deputat so‘rovi yuborildi.

Natijada mazkur masala ijobiy hal etildi.

🔹 Mirzatup mahallasi Ziyolilar ko‘chasidagi eskirgan elektr uzatish ustunlarni yangilash yuzasidan deputatlik so‘rovi yuborilib, obyektni 2026–2027-yillar manzilli dasturiga kiritish bo‘yicha taklif tayyorlandi.