Kulolon mahallasida fuqarolar bilan ochiq muloqot o‘tkazildi.

Xalq deputatlari tuman Kengashi raisi U. Bobojonov Kulolon mahallasi fuqarolari bilan ochiq uchrashuv o‘tkazdi.

Muloqot davomida aholini qiynab kelayotgan dolzarb masalalar va takliflar tinglanib, har bir murojaat atroflicha muhokama qilindi. Ayrim murojaatlar joyida mas'ul tashkilotlar ishtirokida ijobiy hal etildi.

Shuningdek, qo‘shimcha o‘rganish va vakolatli tashkilotlar tomonidan hal etilishi zarur bo‘lgan masalalar yuzasidan tegishli idoralarga yuborish uchun deputat so‘rovlari tayyorlanmoqda.

Bunday uchrashuvlar fuqarolar murojaatlariga o‘z vaqtida yechim topish, aholi bilan ochiq muloqotni mustahkamlash hamda hududdagi mavjud muammolarni tizimli bartaraf etishga xizmat qilmoqda.